CERITA DI GARAU UTAI BAK JALAN MATANG KUCHING SARAWAK
Pengalaman tok nyadi bak diri aku mpu iyanya kena dalam taun 2014 kenya meh, Dia jadi meh jerita yaa bakatok, maya nya aku kerja shift malam bak sigik kedai ngirup bak matang jaya, jam aku pulai kerja setiap malam pukul 12 malam.
Maya nya bc siko tambi bejual canai bak ndur ku kerja nya diau bak flat Batu 9, Laban ya ndai kreta or traspot kena pulai bejual jadi iya nyewa aku tiap malam nganjung ya pulai bejual, selalu ya aku sigik ngemai siko kaban indu aku ngulu ke aku nganjung ya laban, sigik nangi ke jako urg laban ya lelaki, sigik agik ngai ke bc ral ba rantau jalai pia meh kenu ke anak ati.
Cun jak sigik malam nya kaban aku ke salu ngau ku nganjung tambi nya pulai, cuti pulai ke menua laban bisi bala ya rabat bak menua din, alu ngujung ke aku kedirik ajak meh nganjung tambinya pulai ke flat Batu 9.
Baka malam ke udah pejalai mansang nadai utai nyelai nyadi, tang maya aku pulai cun baru kak pansut ari simpang flat mata aku tenda mukai mukai terpeda ke ayas utai bebaju burak bediri cun cun bediri bak tisi bas stisin depan skul mayanya di gelar SM Teknik Matang.
Anak ati aku alu berasai nda nyamai, bulu belakang palak alu nyeregik palak asai ke berat, mayanya anang nanya aok asai dalam ati seput asai berat di sintak, begetar jak smua isi tubuh, ka nyabak nyawa ndai pansut, cun udah lalu bas sten nyaa ngau ujung mata aku nyeling ke tisi ndai gak utai nyeleda dia, berasai lantang mimit ati.
tang nda mukai mukai udah nyaak idung aku alu nyium bau bungai ti cukup bau rengut, alu terbeliak leka mata aku ternaka naka meh pengesal ati, laban dalam ati alu teringat ke jako urang madah nti kitai bejalai malam nyium bau rengut bungai tauka bau jai bau but sigik bisi meh utai nyelai ngacau, akaaii, asai ati aku kak tanggal,
sendat sintak seput, nama meh utai bangat ngacau aku tok ko dalam ati, airmata nda berasai aok neritik tang nda nyabak rerauh, gegetak jak pala patung nekan minyak kerita, asai aku ter pengabis yaa meh pedal minyak krita di indik aku tang krita berasai lubah nyau gana gana jak bejalai, amat kak nyabak aku, kak ngeluput kedirik ngai nyadi gak,
Bau bungai nya bertukar selang silih ngau bau jai bau but ter naka2 pengejai bau asai kak muntah ngau gelung perut pansut asai ya. maya nya nti kitai ngadap utai nya sigik mati kutu nda nmu utai kak digaga, nyabak dalam ati ngetat ke penakut.
Maya nyak mata aku sigik ngai malik merening cermin belakang ngau cermin tisi, ngalih ke leka mata nda meh berani upa penakut, tak sepanjai jalai matang nyak aku ngemai kerita ngau idung ngenat bau but serta bau bungai airmata neritik jak tekering jak tubuh aku ngemai kerita.
Dia aku baru teringat jako pesan urang nti kitai bejalai malam belah kampung tauka dini dini alai jak nti kitai tercium bau rengut diak kitai anang sekali ngelara madah bau nyak rengut, pia mega nti kitai encium bau but bau jai anang ngelara madah but mat tok, kitai deka ngemalit ke baunyaa,
Dia aku alu nyebut baka tok " ciis bau but mat utai tok, puuuih" dia aku alu ngeludah ke luar cermin kerita, laban maya nyak bau rengut bungai benung balat amat, dia nda lama pengudahnya ngelimpas sekula Smk matang hilir bau utai nyak alu begadai lenyau alu nadai dicium agik sampai aku datai bak rumah sewa aku bak matang.
Datai bak rumah, cun gak bisi kaban aku datai ngabas aku, dia ya merening aku ngau mata nda belilap, ya alu minta air mineral water ke bedau dibuka, dibuka ya tudung air botol nya, aku bisi meda yaa maca utai baka leka sampi meh ke dalam air botol nyaa alu dipurus ya ke mua aku serta ke palak ubun ubun aku,
dia yaa alu mesan ngasuh aku jejampat terus mandi ngau lebih air ke dalam botolnya alu tuang dalam bisin kena mandi sekali. malamnya kaban aku sigik nda nanya aku nama-nama. Pengudah seminggu baru yaa madah maya nya mua aku pucat lesi nadai semengat agik,
Ya madah aku ilang semengat laban kena titih utai jai, Dia aku teringat malam nya pengudah mandi aku berasai lelak amat, aku baka ke blur lenyau semengat maya nyaa, ral ke nyadi bak aku malamnya pun aku nda sempat nyerita agai kaban akunyaa laban udah mandi aku alu tinduk,
dani pagi sitik aku alu tambi celap angat isi, nasib meh bisi kaban aku nyaa datai ngintu aku hari-hari maya nyak merik aku ngirup air ke di jampi ya. maya aku tambin nyaak aku nda mayuh bejako ngau bala kaban ngau sapa jak, aku jadi pendiau,
baka ilang ingatan kenya meh baka ke nda sedar, pengudah seminggu aku gerai baru aku ulih bejerita agai urang nama utai ke nyadi bak aku.
Alu sampai ke diato utai ke nyadi bak aku tok sigik semampai di ingat aku, bau yaa aku agik ingat, nyak tiap kali nti ku mansa ndur nyak bulu peguk aku sigik selalu ngerenjik laban semampai teringat ke utai ti kala nyadi bak diri empu.
Tok sigik jerita amat ke nyadi bak batang tubuh aku, Angka kita ke bukai kala nyadi pengalaman yang sama atau lebih kurang sama. Aku nyerita ke jerita tok ukai kak nakut ke urang tang sekadar kunsi pengalaman ti udah nyadi bak dirik mpu.