اَلسَّلاَمُ عَلَيْكُمْ وَرَحْمَةُ اللهِ وَبَرَكَاتُهُ SOLAT TIANG AGAMA.. SELAMAT MEMBACA.. ANDA SENYUM KAMI BAHAGIA..

PENYAYAU APAI INDAI

PENYAYAU..
Penyayau tu endang endar mai besai reti ngagai tiap iku kitai mensia ti diau ba dunya tu. Enda ngira penyayau kediri empu, penyayau ke reta tengkira, penyayau ngagai sulu ati, penyayau ke bala bakih, penyayau ke menua enggau ke mayuh agi. Tang  aku deka ngelansa mimit senentang siti penyayau iya nya PENYAYAU ARI APAI ENGGAU INDAI.-Boniface K.

Penyayau apai indai tu datai ari pengerindu dua iku mensia. Ari pengerindu nya tadi alu mansutka asil ba dunya iya nya anak. Tiap ruang bilik endang sigi andal lalu gagit bulih anak asal udah jadi tauka pengerindu udah bejantil baka pengerindu Adam seduai Awa lalu laban penyayau Romeo Seduai Juliet.

“ Anak terima kasih laban nuan udah ada kedunya lalu nuan meh ketanda penyayau kami seduai apai nuan”- Ko Jaku siku indu ti begelar indai lebuh beribun ke anak ti baru adai.
.“Nadai utai lebih berega agi ari nuan ba dunya tu anak kelimpah ari nuan” ko jaku laki ti begelar apai lebuh nyanduh anak lalu nyium kening anak ti agi mit.

Lebuh kitai agi mit suah amai apai indai kitai enda nyagi kitai tu pedis.
jang, mang anang nuan belawa ngemendar nya enggaika nuan pedis lagi”- jaku tagang apai tauka indai tanda sida sayau ke kitai.

Lebuh kitai sakit nadai ngira meh tudah indai kitai siang malam buntau pan nadai berasai, lapar pan nadai diasai. Ketegal penyayau ngagai kitai ka anak. Nyabak kitai tengah malam ketegal lapar lalu angkat meh tudah indai alu beluaika tusu. Nadai kala sebana jara indai lebuh kitai agi mit.

Lebuh kitai udah besai angkat sekula nadai deh apai sebana lelak sebana ikak lebuh begiga belanja ke beri ke kitai belanja maya sekula. Enda ngira pagi lemai tudah apai beturun ke kebun be umai laban deka meri penyamai ngagai kitai ke anak kempai.

Lebuh kitai makin jauh ari apai indai. Kitai udah besai kitai udah tuai, kitai udah nemu ngidupka diri. Lalu tinggal meh apai seduai indai ba rumah panjai ti nyau tuai ke semina pansut tulang keringgai ukai ketegal enda chukup makai tang seduai nyau tuai. Makin kitai besai makin kitai jauh ari seduai tang lebuh kitai agi mit sesingkang pan seduai nadai kala jauh ari kitai ketegal penyayau seduai ke kitai ti anak.

Lebuh kitai diau jauh ari seduai seduai nadai kala minta belanja ari kitai tang suah agi seduai nanya kitai “bisi belanja nuan anak?”. kebuah seduai nanya munyi nya ukai ketegal seduai minta kitai ngirum belanja tang seduai enggai kitai ngining orang bukai.

Lebuh kitai jauh ari seduai suah meh apai enggau indai meri :

Jaku lalau ngambika nyadi tengau diau ba dunya injau.
Jaku tangkan ngambika kitai enda mudah danjan.
Jaku ajar ngambika kitai idup kitai enda nyepar.

Penyayau apai enggau indai tu enda ulih dipeda enggau mua mata tang penyayau apai indai tu suah di pantaika seduai ba pengidup tiap ari kitai tang kitai enda nemu laban kitai tu buta laban penyayau kitai ke utai bukai.

Dikarang ulih : Boniface K

Reactions:

0 comments:

Catat Ulasan

COMMUNITY BIZ COMBO

Bantuan pengiklanan dan banyak lagi

COWAY THE WATER SPECIALIST

Call or whatsapp 0128477709

NAK PAKAI? NAK JUAL?

KLIK DAN TEMPAH

LEBIH 260 SIARAN

Semua movie terkini di panggung wayang

Related Posts Plugin for WordPress, Blogger...


Assalamualaikum.. Adik saya Termizzi Bin Senak kembali ke warahmatullah lebih kurang 8.30pm 16 Februari 2012. Mohon pembaca sedekah al-fatihah kepada arwah. al-fatihah.

Mak saudara rakan saya ujang (Firdaus) iaitu Cik Dayang Fatimah Binti Abang Drahman telah kembali ke warahmatullah hari ini 22 Februari 2012. Mohon pembaca sedekah al-fatihah kepada arwah. al-fatihah

Guru silat saya Dato Dahlan Ali telah kembali ke warahmatullah pada 19 Mac 2012. Mohon pembaca sedekah al-fatihah kepada arwah. al-fatihah.